რა შეიძლება იყოს, ამერიკასთან „ქართული ოცნებისთვის“ სასურველი ურთიერთობის ფორმა — ეს არის თემა, რაზეც ვაშინგტონის ანალიტიკურ წრეებში საუბრობენ მას შემდეგ, რაც ირაკლი კობახიძემ უარყო სახელმწიფო მდივან მარკო რუბიოს მიერ კონგრესში გაკეთებული განცხადება, რომ ქართულმა ოცნებამ ვაშინგტონს ჰკითხა, რა იქნებოდა საჭირო ორ ქვეყანას შორის ურთიერთობების გასაუმჯობესებლად.
ორი ამერიკელი ყოფილი დიპლომატი გვეუბნება, რომ „ქართული ოცნება“ ცდებოდა, როცა ფიქრობდა, რომ ტრამპის ადმინისტრაცია, ბიზნეს შესაძლებლობების შეთავაზების სანაცვლოდ, საქართველოში მიმდინარე მოვლენებს უგულებელყოფდა.
